Esperantaj Libroj + Kovriloj

Estiminda: "Infanoj en Torento" de Stellan Engholm

2008-06-11T22:53:00.005-04:00

Jen "Infanoj en Torento" de Stellan Engholm, eldonita de "Literatura Mondo" en Budapest en 1934, do proksimume la sama epoko, kiel "Se Grenereto" sube. Sed la kontrasto inter la du libroj estas granda. "Infanoj en Torento" havas simplan litertiparon kaj apenau cheestas beligoj, krom du oranghaj strioj, kiuj imitas la oranghan spinon. Mia ekzemplero ne bone statas -- aperas krajona skribado de la numeralo "I" kaj brunigo de la kovrilo. Estas malmulte rekomendinde.

Sed ial mi trovas la libron tre charma kaj estiminda. Kiel diras mia amiko Lichjo Miller, estas mirinde, ke oni povis eldoni ion ajn en orienteuropo inter la mondmilitoj pro la multaj politikaj, sociaj, kaj ekonomizaj krizoj. Tamen tiu periodo estis unu el al plej fekundaj en la Esperanta literaturo. Ankau "Se Grenereto" devenas de tiu malfacila periodo, sed ghi shajnas al mi tro "prilaborita", tro "arta". La simpleco kaj vereco de "Infanoj en Torento" estas frapaj.

Chu Bela au Malbela? Se Grenereto de Kenelm Robinson

2008-06-11T22:46:00.002-04:00

Jen "Se Grenereto," rakontaro de Kenelm Robinson eldonita kiel "propra eldono de la autoro" en Londono, 1930 (presis Heroldo de Esperanto en Germanujo). La rakontaro aperas en iuj listoj de Esperantaj Klasikajhoj kompilitaj de Auld, sed mi trovas, ke la plejmulto de la rakontoj estas neoriginalaj -- ofte ili liberas imitas rakontojn de la franco Andre Gide. Cetere, la epigramo de "Se Grenereto" tekstas "Al la Majstro, Andre Gide, sen permeso, sen indeco" do vershajne Robinson celis tiun komparon.

La kovrilo estas interesa. Ghi estas nigra-verda kun iu rebrila, malregula surfaco, kiu estas iomete videbla en la dekstra bildo. La semoj kaj vortoj estas oraj, kvazau metalaj. La tuto estas malmole bindita. Ghi estas unikajho, sed mi ne scias, chu ghi estas bela au ne. Kion vi opinias?

Malbela: Durankulak

2008-05-31T16:58:00.002-04:00

La hodiaua viktimo estas "Durankulak," verkita de Sabira Stahlberg kaj eldonita de Bambu en 1998. Tiu chi kovrilo neniel respegulas la enhavon de tiu chi iom stranga kaj alloga libreto. La blua senforma amaso (kiu respegulighas sur la dorsa flanko) ne havis apartan signifon al mi au al la rakonto. Sur la kovrilo mem, la titolo estas malfacile legebla -- la skanado kaj malgrandigo de la bildo ial pliklarigis la literojn.

"Durankulak" ne estas la malplej bela Esperanto-libro, sed ghi estas tute nerimarkinda, neniel impresas, kaj enuigas. Ene trovighas atmosferplenan, hhaosan, kaj nebulan misteron, sed la kovrilo ne invitas la leganton esplori.

Bela: Invit' al Japanesko

2008-05-31T16:47:00.003-04:00

Jen libro, kiun mi trovas aparte placha. Temas pri Invit' al Japanesko, verkita de MIYAMOTO Maao kaj eldonita de Stafeto en 1971. La simpleco bone kongruas kun la enhavo, kaj la retenema uzado de nur blanka, nigra, kaj rozkoloro faras el tio simpleco ion okulfrapan.

Ghenas nur la peza "Beletraj Kajeroj," kiu estis la nomo de la Stafeto-serio, al kiu apartenis tiu chi libro. La nigra kvadrato estas tro granda, lau mi, kaj la literoj estas seninteresaj.

Sed chu la kovrilo funckios sen la nigra kvadrato? Mi povas imagi, ke, sen la kvadrato, la kovrilo shajnos iel "nefinita."

Kion vi opinias?

Nova blogo pri Esperanto-libroj

2008-05-19T17:50:00.000-04:00

Saluton, karaj legantoj. Mi nomighas Tim Westover, kaj mi estas usona Esperantisto kaj membro de la Estraro de Esperanto-USA. Dum jaroj mi interesighis pri Esperanto-literaturo kaj Esperantaj libroj, kolektinte modestan stokon da ili. Fojfoje Esperantaj libroj estas belegaj, kun imponaj kovriloj, bonaj pagharanghoj, kaj plachaj litertiparoj. Sed fojfoje la libroj estas tute achaj, kun malaltkvalitaj ilustrajhoj kaj papero. Tiaj libroj shajnigas nian eldonindustrion amatora kaj malforta. Tia ghi ja estas, bedaurinde . . .

Mi faris afishon che http://esperanto-usa.org/en/node/1113, kiu allogis plurajn komentojn. Tamen mi ne volis lasi la temon morti, char mi kredas, ke ghi estas interesa kaj esplorinda. Mi volis, ke tiu chi blogo estu daurigo de la diskuto, kiun oni komencis che Esperanto-USA, sed kun pli da internacia partoprenado. De temp' al tempo mi afishos novan libron kaj bonvenigos viajn reagojn kaj komentojn. Kune ni trovos novajn juvelojn kaj espereble distrighos dumvoje.

Viaj komentoj estas tre bonvenaj, au chi tie au che timwestover@gmail.com. Kaj mi nepre bezonas viajn bildojn de elstaraj (chu pro beleco, chu male) Esperantaj libroj. Bonvolu sendi reprezentajn bildojn, inkluzive kovrilon kaj enan paghon.